Një algoritëm është zbuluar në Shtetet e Bashkuara që përmes kollitjeve, po i identifikon njerëzit e infektuar me koronavirus.
Në bazë të testimeve, algoritmi thuhet se po ka sukses rreth 98% tek njerëzit që ishin testuar më herët dhe kanë rezultuar pozitivë. Studiuesit thonë se kanë nevojë për miratimin e një rregulloreje për ta zhvilluar më tutje aplikacionin.
Ata thanë se ndryshimi thelbësor në tingullin e një kolle tek njerëzit pa simptoma, nuk mund të përceptohej nga veshi i njeriut, shkruan BBC.
I zhvilluar në laboratorin e Massachussets, shkencëtari Brian Subirana, ka thënë se mënyra e kollitjes e persona të infektuar me koronavirus, mund të përceptohet nga algoritmi edhe nëse pacienti është asimptomatikë.
“Përdorimi i këtij algoritmi mund të shqyrtohet për përdorim të përditshëm, fjala vjen për studentët, punëtorët, shkollat, vendet e punës”, kanë bërë me dije studiuesit.
Ndërkohë, një projekt i punuar në Cambridge, ka bërë me dije se një algoritëm i punuar për të identifikuar infektimin me koronavirus përmes frymëmarrjes dhe kollës, kishte sukses rreth 80%.
Deri në muajin gusht, ai kishte identifikuar 459 kollitje nga personat që mund ta kishin COVID-19. Laboratori i Infektivës kishte mbledhur rreth 70 mijë mostra përmes audiove që përmbanin këtë lloj të kollitjes. Prej tyre, 2,500 janë nga njerëz me raste të konfirmuara të koronavirusit.