Roveri Perseverance i NASA-s ka gjetur gurë në sipërfaqen e Marsit që përmbajnë molekula organike. Sipas ekspertëve të agjencisë amerikane të hapësirës, këta shkëmbinj me molekula organike mund të jenë “një formë e mundshme e jetës”, domethënë t’i atribuohen “një substance ose strukture që mund të dëshmojë ekzistencën e një jete të kaluar në planetin e kuq, por ato mund të ishin prodhuar edhe pa pasur jetë”.
Molekulat organike të gjetura nuk janë molekula biologjike, por përfshijnë një sërë përbërjesh: kryesisht karbon, hidrogjen dhe oksigjen, por edhe azot, fosfor dhe squfur. Këto janë tulla të mundshme të molekulave biologjike, por jo domosdoshmërisht të tilla.
Ekspertët e Laboratorit Jet Propulsion (Jpl) të NASA-s, përgjegjës për aktivitetin e roverit Perseverance, saktësojnë se molekula të tilla mund të prodhohen nga procese kimike që nuk përfshijnë praninë e jetës. Shkëmbinjtë që përmbajnë molekula organike janë katër dhe janë pjesë e 12-të të mbledhur deri më tani nga roveri i NASA-s në vitin e parë të aktivitetit në Mars, në kraterin Jezero dhe të destinuara për t’u sjellë në Tokë në të ardhmen nga misioni Mars Sample Return.
(MSR) i cili është planifikuar të nisë në vitin 2027-ën, tha Lori Glaze, drejtore e divizionit të shkencave planetare të NASA-s.
