Shitjet e lojërave video në SHBA arritën një rekord në vitin 2020, duke arritur në 56,9 miliardë dollarë, sipas një raporti të kabinetit të studimeve NPD Group, gjë që konfirmon mbarëvajtjen e këtij sektori edhe gjatë kufizimeve.
Të ardhurat totale të gjeneruara nga industria janë rritur 27% ose 12 miliardë dollarë nga viti i kaluar.
Dhjetori ishte gjithashtu muaji me fitimin më të lartë në historinë e lojërave video në SHBA me të ardhura kumulative prej 7,7 miliardë dollarë, me 25% ose 1,5 miliardë dollarë në krahasim me dhjetorin 2019.
Shumica dërrmuese e shitjeve vijnë nga përmbajtjet që lidhen me lojërat video, qofshin ato fizike ose lojëra të shkarkueshme, pajtime në shërbime të ndryshme ose shpenzime për lojërat celular.
Ekskluziviteti lojërave me të shtëna të personave të parë “Call of Duty”, i disponueshëm për PlayStation, Xbox dhe PC, gjeneroi më shumë para në 2020, me titujt “”Cold War” dhe “Modern Warfare” duke zënë vendin e parë të klasifikimit të shitjeve me dollarë.
Loja e famshme e simulimit “Animal Crossing: New Horizons” për Nintendo Switch zuri vendin e tretë.
Beteja e tastierave u fitua qartë nga japonezi Nintendo, Switch-i i të cilit u rendit në krye të shitjeve, si për të ardhurat në dollarë ashtu edhe për numrin e njësive të shitura.
PlayStation 5 i Sony, i cili nisi në nëntor, zuri vendin e dytë për numrin e njësive të shitura, ndërsa modeli i mëparshëm, PlayStation 4, gjeneroi fitimin e dytë më të lartë.
Tashmë në rritje të ndjeshme para pandemisë së koronavirusit, industria e lojërave video përshpejtoi zhvillimin e saj vitin e kaluar, duke përfituar veçanërisht nga koha shtesë e kaluar në shtëpi me kufizimin e lëvizjeve.