Facebook, tani është duke planifikuar të sjellë një veçori të re e cila do të mundësojë përdoruesit që të shohin Instagram Storyt direkt në aplikacionin kryesor të këtij rrjeti më të madh social.
Veçoria e re duket se aktualisht është duke u testuar. Këtë e ka konfirmuar Matt Navarra, një konsulent i rrjeteve sociale, përmes një postimi në Twitter, transmeton KOHA. Ai ka publikuar bisedën që e ka bërë me menaxherin teknik të komunikimit të Facebookut.
CONFIRMED: Facebook is testing option to view Instagram Stories in the main Facebook app
Facebook Comms rep @alexvoica said: https://t.co/Zz50AdORea pic.twitter.com/RdUz7ap8wY
Advertisement— Matt Navarra (@MattNavarra) September 4, 2020
Në mënyrë që të vihet në përdorim veçoria e re, përdoruesit duhet t’i lidhin llogaritë e tyre të Facebookut dhe Instagramit. Po ashtu veçoria e re pritet të respektojë të gjitha kushtet ekzistuese të privatësisë dhe përdoruesit do të kenë mundësinë të zgjedhin që Storyt të shihen apo jo përmes këtyre dy aplikacioneve.
Aktualisht, nuk është e qartë nëse është vetëm një opsion i vetëm ose mund të vendoset për secilën Story.
