Navigimi në Instagram do të duket pak më ndryshe.
Kompania e njohur e Facebook dje zbuloi ndryshimin e parë të madh në ekranin kryesor të aplikacionit të saj në 10 vjet.
Dizajni i ri gjithashtu shton edhe një buton kushtuar blerjeve, ndërsa aplikimi i ndryshimeve fillon nesër.
Me ndryshimet, Instagram po bën një investim të madh në të ardhmen e formave të videove të shkurtra dhe blerjeve në internet.
Skeda Reels, tashmë do të ndodhet aty ku dikur ishte një ikonë “+” që përdoruesit e përdornin për të krijuar një postim të ri ose Story.
Kjo ikonë lëviz lart në krye të faqes kryesore, së bashku me butonin “zemra”, ku kontrolloni aktivitetin tuaj, siç janë pëlqimet dhe ndjekjet.
Spoti i mëparshëm i butonit “zemër” zëvendësohet me skedën e re “Dyqan” dhe ikona e mesazheve direkte mbetet e palëvizur.
