Koreja e Jugut ka nënshkruar një marrëveshje ndërkombëtare të udhëhequr nga SHBA që përcakton rregullat për eksplorimin e hapësirës, njoftoi NASA.
Agjencia amerikane e hapësirës tha se Koreja e Jugut është vendi i 10-të që nënshkruante marrëveshjet ”Artemis”, të nisura në vitin 2020 dhe të emërtuara pas programit të NASA-s për të ulur astronautët në Hënë deri në vitin 2024.
”Ministria e Shkencës e Koresë së Jugut gjithashtu njoftoi masën dhe tha se Seuli ka qenë duke punuar me NASA për të zhvilluar një orbitë hënore që pritet të ngrihet në gusht 2022”, sipas agjencisë Yonhap.
Seuli bashkohet me nënshkruesit e tjerë Australinë, Kanadanë, Italinë, Japoninë, Luksemburgun, Britaninë e Madhe, Emiratet e Bashkuara Arabe, Ukrainën dhe SHBA-në.
Përmes ”Artemis”, NASA synon të krijojë eksplorim të qëndrueshëm të sipërfaqes hënore me partnerët e saj ndërkombëtarë deri në vitin 2028, si një trampolinë për misionin e parë njerëzor në Mars.