Vetëm 17 vjeç dhe Lamine Yamal është një rekordmen. Anësori i FC Barcelona, golashënuesi dhe asistuesi më i ri në historinë e Kampionatit Evropian, u bë vetëm pesë ditë më parë, në gjysmëfinale kundër Francës, lojtari më i ri (16 vjeç e 362 ditë) që ka marrë pjesë në një gjysmëfinale, duke kaluar legjendarin Pelé, i cili luajti në gjysmëfinalen e Kupës së Botës 1958 në Suedi në moshën 17 vjeç e 244 ditë.
Fondacioni i ‘O Rei’, i cili vdiq më 29 dhjetor 2022, uroi Lamine të premten, i cili vetëm dy ditë më vonë tejkaloi edhe një herë një rekord parakohe që kishte braziliani në emrin e tij.
Yamal, titullar në finalen kundër Anglisë, nga sot është futbollisti më i ri që ka luajtur në një finale të Kupës së Botës apo Europianit.
Në moshën 17-vjeçare e një ditë, që nga ditëlindja e tij këtë të shtunë, lojtari i Barcelonës ka lënë pas 17 vjet e 244 ditë të Peles në finalen e Botërorit 1958 (Suedi 2-5 Brazil) dhe 18 e 324 ditët e portugez Renato Sanches, në pronësi të Paris Saint-Germain, në finalen e Euro 2016 në Francë (Portugali 1-0 Francë). /vizionplus.tv