Bylisi ka shtangur Skënderbeun dhe është skuadra e fundit e kualifikuar për në gjysmëfinalet e Kupës së Shqipërisë.
Ujqërit e Dëborës kaluan në avantazh me Mensah, i cili realizoi në minutën e 34-ët, një gol që iu dedikua të riut Meksi, i cili u dëmtua rëndë pikërisht në sfidën e fundit të luajtur ndaj Bylisit.
Momenti tensioni ka sjellë minuta e 43-të dhe shkak është kryesori Jorgji, që fillimisht akordon një penallti të paqenë për Bylisin, më pas e anulon atë pas ndërhyrjes në kufje të eprorëve të tij.
Advertisement
Megjithatë Bylisi bëri një lojë të mirë më pas dhe në minutën e 76-të Malçi shtyn në rrjetë topin e Mëllugjës, duke realizuar golin që i çon në gjysmëfinale mallakastriotët.