Trajneri i kombëtares italiane, Luçiano Spaleti është entuziast dhe optimist për skuadrën e tij, pak javë para nisjes së kampionatit europian.
Duke folur për Sky, Spaleti tha se skuadra ëhstë gati, dhe do të luajnë fort përballë kundërshtarëve si Shqipëria, Spanja dhe kroacia, dhe do të këkrojnë fitoren ëpr të bërë krenarë gjithë italianët.
“Fanella e Italisë është më e bukura në botë. Është gjëja më e mirë që mund të më ndodhte, jam në pikën më të lartë në historinë time. Scamacca? Nuk jam i befasuar, e pashë kundër Ukrainës dhe Anglisë. Ai është një nga tre sulmuesit qendrorë të kombëtares. Për mua është shumë i rëndësishëm, falënderoj Gasperinin për punën që ka bërë me të. Duhet të jemi gati, është një kompeticion shumë i rëndësishëm. Ne duam që italianët të thonë “ne jemi krenarë për ju” – tha ai.
