Pavarësisht se u përfol shumë për të bërë një lëvizje të rëndësishme në merkaton e verës, Rei Manaj duket do të vazhdojë të luajë në Turqi.
Pas pushimeve post europian, bomberi shqiptar u rikthye tek Sivaspor, klubi me të cilin bëri se fundmi një sezon të jashtëzakonshëm.
Manaj në fakt pothuajse ishte përshëndetur përfundimisht me tifozët e Sivaspor disa javë më parë, duke lënë të nënkuptohej se karriera e tij kishte një adresë tjetër, mirëpo në merkato gjatë kësaj periudhe nuk patëm asgjë të re dhe sulmuesi i talentuar zgjodhi të kthehej te Sivaspor.
Tifozët e kanë pritur mbrëmjen e të dielës në aeroport me një entuziazëm të konsiderueshëm, duke qenë se ai është futbollisti i tyre i preferuar. Me fanellën bardhekuq lushnjari shënoi 18 gola dhe dha 3 asist në superligën turke në sezonin e kaluar.
