Pas përfundimit të ndeshjes mes Debreçenit dhe Paksi, e cila u mbyll në barazim 1-1, ka ndodhur një kaos i vërtetë.
Klubi i njohur i Devreçenit ra nga kategoria si pasojë e këtij barazimi, e kjo ka sjellë një irritim të madh te tifozët.
Sapo ka përfunduar ndeshja, të gjithë lojtarët u shtrinë në tokë të mërzitur për këtë rënie nga kategoria. Tifozët të irrituar nga lojtarët, kanë pushtuar fushën e lojës, jo për t’iu dhënë kurajë, por për t’i goditur.
Tifozët i quajtën futbollistët shkaktarët kryesorë për rënien e skuadrës nga kategoria, e si pasojë nuk kanë nguruar t’i godasin.
Dy lojtarët Nikolla Trujiç dhe Luka Milutinoviç, pësuan disa dëmtime të mëdha. Duhej ndërhyrja e policisë, në mënyrë që tifozët të shpërndaheshin dhe të largoheshin nga fusha e lojës.