Drejtori Sportiv i Interit, Beppe Marotta, ka dhënë një lajm të keq për të gjithë tifozët zikaltër. Marotta ka njoftuar këtë të shtunë se ai do të largohet nga pozicioni që mban në vitin 2027, kohë kur përfundon edhe kontreata me klubin.
Marotta e mban këtë pozicion që prej vitit 2019 dhe do qëndrojë për tre vite, duke marrë parasysh faktin se kontrata i skadon në 2027.
“Kur të mbarojë kontrata ime me Interin, unë do të largohem për t’u fokusuar tek të rinjtë. Sektori i të rinjve është aseti më i rëndësishëm i çdo klubi. Unë jam shumë i bindur se t’i bësh të paguajnë lojtarët e rinj për këtë sport është gabim. Duhet të jetë falas”, është shprehur ai.
Advertisement
