Pavarësisht se dha kohën më të mirë personale të vitit, Luiza Gega nuk mundi të ruajë fronin e kampiones së Europës dhe as të futet ne zonën e medaljeve, në Kampionatin Europian të zhvilluar në Romë.
Në garën e 3 mijë metrave me pengesa, atletja jonë më e mirë u rendit në vendin e pestë duke dhënë kohën 9 minuta 22 sekonda dhe 92 të qintat.
Në vendin e parë në përfundim të një gare shumë të fortë u rendit francezja Finot me kohën 9 minuta 16 sekonda dhe 22 të qintat. Interesant është fakti që rekordi europian në këtë garë vijon të mbahet nga Luiza Gega në europianin e vitit 2022 mbajtur në Mynih, garë në të cilën u shpall më e mira e kontinentit.
Përfaqësimi më i rëndësishëm i vitit për atleten tonë do të jetë në Lojërat Olimpike të Parisit të cilat nisin në fundin e muajit korrik./Vizionplus.tv