Dortmundi është veshur kuqezi, ndërsa sonte pritet përballja e parë e Shqipërisë në Euro2024 kundër Italisë. Këta të fundit duken të fortë në letër, megjithatë kuqezinjtë nuk kanë asgjë për të humbur dhe kjo është ajo që i frikëson më tepër italianët.
Më herët, trajneri Italian Spalletti theksoi se nuk kanë luksin për të humbur pikë ndaj Shqipërisë, ndërsa shtoi se shumë futbollistë të kombëtares kuqezi luajnë në Seria A dhe kjo i bën që ta njohin mirë futbollin Italian.
Nga ana tjetër, UEFA ka bërë një parashikim në lidhje me pozicionimin e skuadrave në fushë si edhe një formacion të mundshëm.
Italia e fortë, por…
Ecuaria e kaluar e Italisë kundër Shqipërisë sugjeron se ky duhet të jetë një fillim i rehatshëm në EURO për kampionët në fuqi, sipas UEFA-s.
Skuadrat janë përballur katër herë, të gjitha që nga nëntori 2014, dhe azzurrët i kanë fituar të gjitha ato ndeshje, duke shënuar shtatë gola dhe duke pësuar vetëm një.
Megjithatë, me një pjesë të konsiderueshme të skuadrës së Sylvinhos që luan në Serinë A, Shqipëria i njeh mirë kundërshtarët e saj.
Rrugëtimi deri në Euro2024
Përsëri në EURO pasi bëri debutimin e saj në finale në 2016, Shqipëria kryesoi një grup kualifikues për një turne të madh për herë të parë në historinë e saj.
Italia përfundoi pas Anglisë në grupin e saj kualifikues, por me sulmuesin Gianluca Scamaça.
Formacionet e mundshme
Italia: Donnarumma; Di Lorenzo, Bastoni, Calafiori, Dimarco; Barella, Jorginho; Chiesa, Frattesi, Pellegrini; Scamaça
Shëqipëria: Berisha; Hysaj, Gjimshiti, Ajeti, Mitaj; Asllani, Ramadani, Bajrami; Seferi, Asani, Broja
Forma
Italia
Të gjitha kompeticionet: WDWWDW
Shqipëria
Të gjitha kompeticionet: WWLLDD /vizionplus.tv
