Po flitet se Liverpool është duke pritur që të bëjë lëvizjen e radhës për të marrë mbrojtësin e Napolit, Kalidou Koulibaly, pasi Jurgen Klopp është duke kërkuar që të forcojë vendin e skuadrës së tij në samitin e futbollit anglez.
Humbja e Manchester Cityt me Chelsea-n mbrëmjen e së enjtes, siguroi titullin e parë të ligës së Liverpool-it në 30 vjet, duke çimentuar vendin e Klopp në historinë e Anfield. Por duket se gjermani është i përqendruar në ndërtimin e një dinastie dhe rivendosjen e lavdive të kaluara.
“Tuttomercato” raporton se Klopp po kërkon të sjellë një mbrojtës për t’u bashkuar me Virgil van Dijk, duke e bërë mbrojtjen e Liverpool-it edhe më të fortë.
Koulibaly është identifikuar si njeriu që e çoi mbrojtjen në nivelin tjetër. Senegaliani ka kohë që është i lidhur me një transferim në Angli, megjithëse klubet janë larguar nga çmimi 90 milionë paund i vendosur nga pronari i Napolit, Aurelio De Laurentiis, për 29-vjeçarin.
Sidoqoftë, media italiane shkruan se një veprim i kampionëve në Premier League pritet të merret në ditët në vijim.