![Flick tregon se Barcelona e tij do të ketë stil tjetër](https://www.vizionplus.tv/wp-content/uploads/2024/07/auto_671733-gB6gvI2Fph1721753913-624x400.jpg)
Trajneri i ri i Barcelonës, Hansi Flick, synon të sjellë një stil tjetër te skuadra.
I emëruar në maj në një marrëveshje dyvjeçare, ish-trajneri i Gjermanisë dhe Bayern Munich vjen në stol pas largimit të Xavi Hernandez, i cili u shkarkua pas një sezoni pa trofe.
Ai ka thënë se e respekton stilin tradicional të pasimeve, por do të fokusohet më shumë te shënimi dhe fitorja e ndeshjeve.
“Këtu, tradita është të luash me pasime, por gjithashtu dua që lojtarët të shkojnë drejt e te goli,” ka thënë Flick. “Lojtarët duhet të fokusohen pak më shumë te shënimi. Nuk mendoj se stili im ndryshon shumë”.
Flick është ndalur edhe te presioni dhe të luajturit në mesfushën e kundërshtarit. “Po kërkoj të njëjtën gjë, të bëhet presion dhe të luhet në mesfushën e kundërshtarit. Por në fund të fundit, gjithçka ka të bëjë me fitoren e ndeshjeve”, ka theksuar gjermani.
Barcelona do ta nisë fushatën në La Liga më 17 gusht kundër Valencias.