Dyshja e vajzave rumune dhe dyshja e djemve turq janë fituesit e kampionatit ballkanik të volejbollit të rërës në qytetin e Pogradecit.
Rumania u përball në finale me Kosovën, ndërsa Turqia rrëmbeu fitoren në përballjen në fushën e rërës me Moldavinë.
Sportiste rumune
1- “Ne jemi shumë të lumtura sepse kemi punuar shumë që të fitojmë këtë medalje. Është emocion i veçantë. Ishte një kampionat i vështirë, me garë të fortë por në fund ja dolëm”
AdvertisementSportiste rumune
2- “Është hera e 3 që fitoj turneun ballkanik të volejbollit në rërë, mendoj se çelësi i suksesit për fitoren tonë ishte puna në grup, çka u duk dhe në fund. U kënaqem në Pogradec, na mirëpritën dhe organizmi ishte i shkëlqyer”
Sportisti turk
“Ja arrita. Jam fituesi i kampionatit ballkanik në meshkuj, ishte e vështirë por ja arritëm. Faleminderit qe na mundësuat një garë kaq të bukur”
Ky kampionat i këtyre përmasave u rikthye në Pogradec pas më shumë se 20 vitesh, duke sjellë 3 ditë sportive me adrenaline dhe duke mbledhur sportdashës të shumtë nga gjithë Shqipëria.
Ky është kampionati i parë që zhvillohet në Pogradec pas marrëveshjes së përbashkët që ka nënshkruar Federata Shqiptare e Volejbollit dhe bashkia e qytetit për të vijuar me të tjera kampionate në të ardhmen, pasi të ketë përfunduar rikonstruksioni i pallatit të ri i lojërave me dorë.
