Atalanta-Bayer Leverkusen do të jetë finalja e Europa League, që do të zhvillohet në 22 maj në Dublin të Irlandës.
Bregamasët fituan 3-0 përballë francezëve të Marsejë, pasi në ndeshjen e parë e kishin mbyllur në barazim 1-1.
Atalanta shënoi pjesën e parë në minutën e 30-të me Lookman dhe në pjesën e dytë me Ruggeri, por në fund të sfidës Toure do të vendoste “qershinë mbi tortë” duke shënaur golin e tretë.
Ndërkohë që Bayer Leverkusen ka barazuar 2-2 përballë Romës në “Bay Arena”.
Gjermanët kalojnë në finale, pasi kanë fituar në ndeshjen e parë në transfertë me rezultatin 2-0.
Romanët për një moment besuan në kualifikim, pasi kryesonin 2-0 deri në minutën e 81-të pasi kishin shënuar dy herë me Paredes i cili realizoi saktë dy 11-metërsha, por në të 82-ën Mancini do të prishte festën, duke shkaktuar autogol.
Ndërkohë në minutën e 97-të Snatisic barazon shifrat. Leverkusen nuk njeh asnjë humbje këtë sezon.