Shqipëria pati një paraqitje pozitive në Euro 2024, ku ndonëse ndodhej në “grupin e ferrit”, arriti të dilte me një pikë, pas barazimit me Kroacinë, ndërsa pati performancë të mirë edhe me Italinë dhe Spanjën.
Në këtë Europian, Nedim Bajrami hyri në histori për golin më të shpejtë, ndërsa vlerësim të lartë ka marrë edhe mesfushori i Kombëtares Kristjan Asllani. Ky i fundit ka dhuruar 8 pasime kyçe, duke qenë kështu një nga futbollistët më të rëndësishëm të kombëtares. 22-vjeçari u aktivizua në të 3-ja ndeshjet, ku luajti minutat e plota. Asllani premton shumë për të ardhmen e skuadrës tonë përfaqësuese, me lojtarin që është në një moshë mjaft të re. Paraqitja e tij në Euro 2024, për lojën që ka bërë, e ka renditur atë në vendin e 7, si lojtarin më vendimtar deri më tani.
Sa i takon listës të bërë publike, Eriksen i Danimarkës kryeson me 13 pasime kyçe, i ndjekur nga De Bruyne me 11 dhe Ferdi me 10. Top-5 plotësohet nga Kroos dhe Kimish. Europiani tashmë do të hyjë në një fazë të nxehtë, atë të eleminimit direkt. Kompeticioni më i rëndësishëm për shtete në Europë ka 2 ditë pushim, për t’u rikthyer në fushë të shtunën./vizionplus.tv
