Barcelona shkon në pushimin e parë tëndeshjeve të kombëtare si skuadra e vetme me katër fitore në po aq ndeshje në La Liga, duke luajtur një futboll të mrekullueshëm në një fitore të thellë 7-0 ndaj Valladolid.
Marc Casado zëvendësoi të dëmtuarin rëndë Marc Bernal në mesfushë, me Dani Olmo që nisi për herë të parë si titullar dhe Rafinha u zhvendos në krahun e majtë të sulmit.
Valladolid kishte mbajtur një portë të pastër në katër nga pesë ndeshjet e fundit në divizionin e parë, por në stadiumin Olimpik të Montjuic ata nuk ishin në gjendje të frenonin vrullin e Barçës në gjysmën e parë.
Vetëm në minutën e katërt, Olmo goditi shtyllën, dhe gjashtë minuta më vonë shënoi, por goli me të drejtë u anulua për pozicion jashtë loje nga mesfushori katalanas.
Atë që Olmo nuk mundi ta përfundonte, megjithatë, e bënë Rafinha dhe Robert Lewandowski. Anësori brazilian hapi rezultatin duke plotësuar 20 minutat e para.
Sulmuesi polak e imitoi katër minuta më vonë pas një topi të lartë nga Lamine Yamal, i cili arriti tre asiste (dhe një gol) në katër ndeshje.
Blaugranët vazhduan të sulmojnë, me kastilianët që u përgjigjën me dy raste të shkëlqyera nga Quique Perez dhe Raul Moro. Raphina plotësoi një hat-trick, teksa në listën e golashënuesve ishin edhe Kounde, Ferran Torres dhe Danin Olmo. Barca fitoi me shtatë gola për herë të parë në tetë vjet (7-0 Hercules për Kupën më 21 dhjetor 2016)
Imazhi i shkëlqyer i katalanasve lë shumë shpresa për vazhdimin dhe kur skuadrës do t’i bashkohen gradualisht të dëmtuarit Frankie De Jong, Gavi dhe Ronald Araujo. /vizionplus.tv