Në fillim të muajit maj, këngëtari i njohur Kastro Zizo u bë baba për herë të tretë. Partnerja e tij, Sara, solli në jetë fëmijën e parë të çiftit.
Sara lindi një djalë që ata vendosën ta pagëzonin me emrin Dante. Ishte vetë Kastro ai që ndau me fansat lajmin e bukur. Në profilin e tij në “Instagram”, ai postoi një pjesë të portretit të të birit.
Ndërsa së fundmi, ai ka zbuluar se është mjaft i lumtur si baba me tre fëmijë. Madje duket se pjesën më të madhe të kohës e kalon me të voglin Dante.
Në profilin e tij në “Instagram” nuk mungon herë pas here edhe ndonjë pozë e ëmbël me bebushin, si kjo e fundit. Kastro dhe Dante shfaqen të shtrirë në shtrat, teksa kalojnë kohë me njëri-tjetrin si baba e bir.
“Të dua”- janë fjalët që këngëtari ka vendosur krahas fotos ku bebushi ka kthyer kokën për të parë të atin.
