Taylor Swift performoi të dielën, më 8 dhjetor shfaqjen e saj të fundit të turneut Eras dhe shifrat zyrtarisht janë zbuluar.
Eras Tour është turneu me fitimet më të larta të të gjitha kohërave dhe arriti në 2,077,618,725 dollarë në shitje biletash. Kjo është e saktë, mbi dy miliardë dollarë – një shifër që u konfirmua për New York Times nga kompania e prodhimit të Taylor Swift, Taylor Swift Touring.
Sipas NYT, kjo është “dyfishi i shitjeve bruto të biletave të çdo turneu tjetër koncerti në histori”. Për ta parë këtë në perspektivë, Coldplay kishte vendosur më parë një “rekord industrie” me 1 miliard dollarë shitje biletash gjatë turneut botëror Music of the Spheres dhe Taylor solli dyfishin e tij për Eras Tour.
“I think that’s the lasting legacy of this tour, the fact that you have created such a space of joy and togetherness and love… I couldn’t be more proud of YOU, thats all YOU. I just want to say that you’re why this is so special, you supporting me for as long as you have is why… pic.twitter.com/8AFamGG0TC
Advertisement— Taylor Swift Updates (@TSUpdating) December 9, 2024
Teksa doli në skenë, Swift falënderoi fansat e saj që e bënë ‘Eras’ Tour’ kaq të pabesueshëm.
“Dua të falënderoj secilin prej jush që keni qenë pjesë e kapitullit më emocionues të gjithë jetës sime deri më sot – Eras Tour tim të dashur”, tha ajo në një video të shpërndarë në X (ish-Twitter) përpara se të këndonte këngën “Karma”.
Ylli më parë tha:‘Ne kemi bërë një turne në të gjithë botën… kemi pasur kaq shumë aventura. Ishte gjëja më emocionuese, më e fuqishme, elektrizuese, intensive, sfiduese që kam bërë ndonjëherë në gjithë jetën time.”
“Ne arritëm të performojmë për mbi 10 milionë njerëz në këtë turne”, shtoi Swift./vizionplus.tv
