Vetëm pak ditë më parë, këngëtarja Olta Boka konfirmoi lajmin e bukur të pritjes së ëmbël. Ajo postoi në rrjetet sociale fotot e para të ëmbla me barkun e rrumbullakosur.
Madje përmes ngjyrës së fustanit, Olta zbuloi gjithashtu edhe gjininë e bebushit që po sjell në jetë, ndërsa krahas postimit shkroi fjalët e bukura: Prej 9 muajsh, une shoh vetem me sy te ngjyruar roze 
E teksa e ndajnë vetëm pak ditë nga takimi për herë të parë me të voglën e saj, të cilën po e pret me padurim, ajo duket se që tani ka nisur përgatitjet për të qenë një mama shembullore.
Përmes një video të postuar në “Instastory”, këngëtarja ka treguar se po përpiqet që të mësohet me oraret e reja të mëmësisë. Duket se ajo e di shumë mirë se kur të vijë vajza në jetë, nuk ka më gjumë deri vonë.
Olta është zgjuar herët për të përgatitur veten me zgjimin në këtë orar. “Po bëjmë prova teknike për të mësuar veten me oraret e reja.”- shkruan Olta krahas postimit në “InstaSstory”, ku shfaqet pa grim teksa pi lëngun e saj të portokallit.
Olta është prej vitesh në një marrëdhënie dashurie me djalin e deputetit Shezai Rrokaj.