Princi Harry dhe Mbreti Charles u takuan për herë të fundit personalisht shkurtin e kaluar, kur ata patën një takim 45-minutësh në Londër pas diagnozës së kancerit të monarkut.
Burime pranë Harry-t thanë se komunikimi i tyre që atëherë është përkeqësuar pas tensioneve në rritje mbi përpjekjet e Dukës së Sussex për të garantuar sigurinë e familjes së tij dhe të tij kur ai është në Britani.
Thuhet se Harry është thellësisht i shqetësuar për sigurinë e Meghan Markle dhe fëmijëve të tij Princit Archie dhe Princeshës Lilibet dhe beson se familja mbretërore ka fuqinë të ndërhyjë në çështjen e tij gjyqësore në vazhdim me Zyrën e Brendshme.
Burimet thanë për People se çështja e sigurisë nisi si një pikë zhgënjimi mes babait dhe djalit, por tani është kthyer në “heshtje të plotë”.
Një mik i Harrit tha: “Thirrjet e tij mbeten pa përgjigje. Ai është përpjekur të komunikojë për shëndetin e mbretit, por edhe këto thirrje mbeten pa përgjigje”.
Vendimet për sigurinë e dukës merren nga Komiteti Ekzekutiv për Mbrojtjen e Personave Mbretërorë dhe Personave Publikë (Ravec), i cili është pjesë e ministrisë së brendshme.
Harry vizitoi për herë të fundit Britaninë e Madhe në maj për të festuar 10 vjetorin e Lojërave Invictus, por nuk mundi të takonte babanë e tij. Zëdhënësi i dukës tha në atë kohë se kjo ishte për shkak të orarit të mbretit. /vizionplus.tv
