Enrique Iglesias, Ricky Martin dhe Placido Domingo janë emrat e artistëve që këtë verë do të mund t’i gjeni në Tiranë për të interpretuar pjesë të repertorit të tyre muzikor, tanimë të njohur e të duartrokitur kudo ku kanë performuar në botë.
Të tre artistët kanë konfirmuar dhe tanimë ekipet që do të punojnë për koncertet e tyre kanë nisur punën. Mbrëmjet festive do të marrin jetë në Sheshin Skënderbej, që ndonëse i hapur, do të jetë në një pjesë të tij i rezervuar për të gjithë ata që duan ta ndjekin nga afër secilin prej këngëtarëve.
Deri më tani janë bërë publike vetëm datat kur do të performojnë artistët, por nuk ka nisur ende shitja e biletave.
Enrique Iglesias performon në Tiranë mbrëmjen e 30 qershorit, në 20 korrik mbërrin Ricky Martin i shoqëruar nga instrumentistët me të cilët bashkëpunon prej viteshNdërsa në datën 7 shtator do të vijë legjenda e muzikës operistike Placido Domingo. Ky i fundit do të shoqërohet në këtë koncert nga artistët Jenifer Roëey, Jonatan Antoine dhe Christina Ramos.