Pas publikimit të këngës së re, Flor Mumajesi ka ndarë disa fjalë të ndjera për të ëmën, e cila ndërroi jetë në muajin shkurt.
Në një postim të shpërndarë në “Instastory”, këngëtari shkruan se është hera e parë që nuk mori një mesazh nga e ëma për t’i thënë se si doli.
Ai vuri në pah dhimbjen që i shkakton mungesa e saj.
“Hera e parë që nuk më vjen një mesazh nga ty! Nuk ka ditë që s’e vuaj mungesën tënde. Por edhe pse u mundova të mos dorëzohem, sot gati ndihem i dorëzuar pa ty, sepse më ka marrë malli me t’mbajt erë në qafë, më ka marrë malli me t’puth, me t’pa, me t’prek, me m’shkrujt sapo më ke parë në TV dhe të më thuash si dola. Dhe pastaj të të marrë telefon dhe të flas me ty, me ta dëgju zërin e me m’thënë ‘djali i mamit’”, shkruan Flori.
