Prej disa kohësh, Rudina Dembacaj, komentohet shpesh në mediat sociale rreth jetës së saj private.
Që kur bëri publike lidhjen me ish-deputetin, Mark Frroku, ajo nuk ka nguruar që të postojë foto me të në rrjetet sociale dhe t’i bëjë dedikime dashurie.
Gjithashtu Rudina ka zbuluar se ka një marrëdhënie shumë të mirë me fëmijët e Frrokut.
Madje poston shpesh foto me vajzën e tij, Ertën. E kështu ka bërë edhe një ditë më parë, ku ajo ka ndarë me ndjekësit disa video në “Instastory” ku shfaqej Erta së bashku me vajzën e Rudinës, Viktorian.
“Vajzat e mia”, shkruan ajo krahas fotos, duke etiketuar edhe vajzën e ish-deputetit. Gjithashtu Dembacaj ka postuar edhe një foto ku shfaqet ajo së bashku me Ertën.
Ndërsa ditën e sotme, Rudina ka postuar një foto ku shfaqet duke i dhuruar një puthje partnerit të saj.
