Fermerët e reality show “Ferma Vip” janë kthyer në kryefjalën e mediave dhe rrjeteve sociale. Pozitiviteti, lojërat argëtuese dhe batutat e tyre kanë fituar zemrat e publikut shqiptar.
Por çfarë mendimi kanë miqtë dhe familjarët e tyre, si po i shohin ata në lojë? Sot në emisionin “Vizion i Pasdites” nën moderimin e Brikena Priftit, miqtë dhe të afërrmit e fermerëve ndanë mendimet e tyre rreth lojës dhe sfidave.
Shoqja e Florjan Agalliut, Ori Bici, tha se asnjë prej banorëve nuk mund të jenë 100% vetvetja që në ditët e para. Ajo tha se me kalimin e kohës, me sfidata dhe nominimet do të “lindin” edhe debatet e para.
Ori Bici: Që mbrëmë patën disa përplasje të forta. Asnjëri prej tyre nuk është vetvetja 100 per qind, është e vështirë të mësohesh me mbylljen. Ata do të mësohen avash avash, por kam vënë re që nuk janë tipa nazelinj, janë shumë shqërorë. Ndoshta po fillojnë ta ndjejnë presionin. Sot kanë qenë në debate./vizionplus.tv/
