Këngëtarja e famshme, Dua Lipa, ka më shumë se një vit që po shijon lidhjen e saj me modelin e njohur, Anwar Hadid.
Që kur ata vendosën që të bënin publike lidhjen, kanë qenë të pandarë dhe janë parë kudo së bashku.
Në çdo event apo edhe festa familjare, Dua dhe Anwar, kanë shkuar bashkë. Madje çifti i njohur nisi të bashkëjetonte menjëherë, ku edhe karantinën e kaluan së bashku.
Nga ditët e tyre të izolimit për shkak të emergjencën Covid-19, ata nuk kanë nguruar që të postojnë foto e video të ndryshme.
Duket gjithashtu se ky izolim i ka bërë ata që t’i përkushtohen më shumë njëri-tjetrit dhe të bëhen “krahu i djathtë” i partnerit.
Së fundmi, këngëtarja me origjinë shqiptare ka ndarë me ndjekësit një foto shumë të veçantë. Në imazhin në fjalë, vëllai i motrave Hadid shfaqet teksa i lyente flokët në ngjyrë të kuqe dhe sigurisht që na tërhoqi vëmendjen.
Kjo është një tjetër provë që Anwar Hadid është i dashuri perfekt! Ai është gjithmonë aty për Duan duke i dhuruar dashuri, shoqëri, përkujdes dhe gjithçka që ajo ka nevojë.
