Ennio Morricone, një nga kompozitorët më të mëdhenj në botë, ka vdekur ditën e sotme në moshën 91 vjeçare.
Disa ditë më parë Morricone kishte thyer femurin dhe vdiq brenda natës në kampusin biomjekësor të Romës nga pasojat e rënies.
Funerali i Ennio Morricone do të mbahet në formë private “në lidhje me ndjenjën e përulësisë që gjithmonë kanë frymëzuar aktet e ekzistencës së tij”. Familja e fituesit të çmimit Oscar e njoftoi këtë përmes mikut dhe avokatit të tyre Giorgio Assumma.
Morricone, sipas njoftimit, vdiq në mëngjesin e 6 korrikut në Romë me rehatinë e besimit. Assumma shton se:
“Mjeshtri ka ruajtur deri në fund kthjelltësinë e plotë dhe dinjitetin e madh. Ai përshëndeti gruan e tij të dashur Maria që e shoqëroi me përkushtim në çdo moment të jetës së tij dhe ishte afër tij derisa fryma e fundit I ndau. Ennio falënderoi fëmijët dhe nipërit e tij për dashurinë dhe kujdesin që i dhanë. Ai i kushtoi një moment edhe audiencës së tij për përkrahjen e dashur nga e cila ai ka tërhequr gjithmonë forcën e krijimtarisë së tij”.
The post Arti italian në zi. Ndahet nga jeta një nga kompozitorët më të mëdhenj në botë. appeared first on Vizion Plus.