Modelja e njohur, Emina Çunmulaj, ka festuar një ditë më parë 5-vjetorin e martesës. Në 20 qershor të vitit 2015 ajo dhe bashkëshorti i saj, i thanë “Po” njëri-tjetrit në një ceremoni madhështore.
E për të festuar siç duhet 5-vjetorin e martesës, Emina ka vendosur që të ndajë me ndjekësit disa nga momentet më pikante nga dasma e madhe.
Nga momenti i ecjes drejt altarit te momenti i kërcimit të çiftit, gjithçka duket shumë romantike. Emina shfaqet e veshur me një fustan nusërie që i rri pas trupit, ndërsa flokët i ka të kapur në hapjen e ceremonisë.
Nuk mungojnë fotot nga arredimi i sallës me petale trëndafilash, apo edhe ato të fishekzjarrëve “Dita kur u ndjeva si një princeshë”, shkruan Emina në njërin nga postimet ku shfaqet si në përralla!
Ndërkohë një nga momentet e paharrueshme të modeles është kërcimi me të atin në dasmë, me këngën e tyre të preferuar!
