Një burrë me bel 103 centimetra e më shumë, ka një rrezik prej 35 përqind më të lartë për të vdekur nga kanceri i prostatës sesa ai që ka një bel prej 35 90 centimetrash ose më të ulët.
Yndyra e ruajtur në bark konsiderohet si lloji më i rrezikshëm sepse vesh organet vitale, siç janë mëlçia, pankreasi dhe zorrët.
Kjo mund të ndërhyjë në funksionin e tyre normal dhe të nxisë rritjen e qelizave kancerogjene, janë shprehur studiuesit.
Hulumtimi i fundit, i prezantuar në Konferencën Evropiane dhe Ndërkombëtare të këtij viti mbi Obezitetin (ECOICO), studioi 218,225 burra pa kancer në Mbretërinë e Bashkuar, të dhënat mjekësore të të cilëve janë ruajtur në Biobank të Mbretërisë së Bashkuar.
Shkencëtarët i monitoruan ata për 10 vjet, duke parë indeksin e tyre të masës trupore (BMI), përqindjen totale të yndyrës trupore, perimetrin e belit dhe raportin bel-hip.
Ata nxorrën në përfundim se burrat me perimetër të belit mbi 103 centimetra kishin 35 përqind më shumë të ngjarë të vdisnin nga kanceri i prostatës.
Dr. Aurora Perez-Cornago, një profesore në Oksford që drejtoi studimin, tha: Ne gjetëm një lidhje të rëndësishme midis përqendrimit të yndyrës trupore rreth barkut, belit dhe rrezikut të vdekjes nga kanceri i prostatës, por asnjë lidhje të qartë midis yndyrës totale të trupit dhe rrezikut të vdekjes nga kanceri i prostatës.
Një BMI i lartë rrit rrezikun e sëmundjeve të tjera, duke përfshirë llojet e tjera të kancerit, kështu që njerëzit duhet të marrin në konsideratë implikimet e yndyrës së tepërt të trupit kudo që të gjendet në trup”.
Studimet e mëparshme kanë treguar se ‘dhjami i brendshëm’, i cili ruhet në bark, është lloji më i rrezikshëm.
Yndyra e tepërt viscerale duket se rrit numrin e një proteine të quajtur faktor i rritjes fibroblast-2 (FGF2) e cila stimulon rritjen e qelizave tumorale. Por kërkimet për yndyrën e organeve të brendshme janë akoma në fazat e hershme.
Dr Perez-Cornago tha: “Ky është dhjami më i rrezikshëm sepse ky dhjam ndodhet rreth organeve vitale. Është e lidhur me mosfunksionimin metabolik dhe hormonal dhe kjo është ajo që mund të luajë një rol në përparimin e kancerit të prostatës”.
