Studiuesit kanë identifikuar një grup gjenesh, të cilat janë të lidhura me një rrezik më të lartë të shtrimit në spital dhe dështimit të frymëmarrjes në pacientët me COVID-19. Ata thanë se një pjesë e ADN-së e lidhur me sëmundjen e shkaktuar nga SARS-CoV-2 u transferua nga neandertalë 60,000 vite më parë, raportojnë mediet e huaja, shkruan kp, transmeton lajmi.net.
Hugo Zeberg dhe Svante Paabo nga Instituti Karolinska në Suedi dhe Instituti Max Planck për Antropologji Evolucionare në Gjermani, thanë që gjenet i përkasin haplotipit – i cili gjendet në pothuajse 16 për qind të popullsisë evropiane – me gjasë vinte nga paraardhësit e lashtë njerëzorë.
Në kohët antike, njerëzit modernë dhe neandertalët janë ndërthurur disa herë, gjë që çoi në shkëmbimin e gjeneve. Sipas studiuesve, gjenet e neandertalit janë një nga faktorët e rrezikut për sëmundjen e shkaktuar nga virusi korona, duke përfshirë gjininë, moshën dhe çështjet themelore të shëndetit si diabeti, mbipesha dhe problemet shëndetësore.
Një nga shkencëtarët, Paabo tha se trashëgimia gjenetike nga neandertalët ka pasoja të tilla tragjike gjatë pandemisë aktuale, dhe kjo është arsyeja pse ajo duhet të hetohet sa më shpejt të jetë e mundur.
Studiuesit analizuan të dhënat që u përkisnin 3,199 pacientëve të shtruar në spital COVID-19. Pas kryerjes së hulumtimit, në studim ata vunë në dukje se “ky është faktori kryesor i rrezikut gjenetik për infeksionin e rëndë SARS-CoV-2 dhe shtrimin në spital (COVID-19 Host Genetics Initiative).”
Të njëjtët gjithashtu shpjeguan se një tufë gjenesh në kromozomin 3 është identifikuar si një vend rreziku për dështimin e frymëmarrjes. Sipas gjetjeve të tyre, varianti është i zakonshëm në vendin aziatik Bangladesh, ku 63 për qind e njerëzve vlerësohet se mbajnë një kopje të haplotipit. /Lajmi.net/