Ditët e fundit një grua nga Singapori e infektuar me koronavirus në mars, kur ishte shtatzënë ka sjellë në jetë një fëmijë me antitrupa kundër virusit. Lajmi tregoi se jo vetëm infeksioni mund të kalojë nga nëna tek fëmija por edhe antitrupat. Por sipas studimeve të fundit, në raste të tilla, nuk është e qartë nëse antitrupat janë kaluar nga nëna apo foshnja i ka zhvilluar ato për vete.
Në një raport të botuar në tetor nga revista “Emerging Infective Diseases”, nga 11 foshnjat që kanë lindur nga gra me Covid-19 në Wuhan, Kinë, të gjithë kishin nivele të zbulueshme të antitrupave IgG që në lindje, ndërsa pesë kishin antitrupa të dallueshëm IgM.
IgM është antitrupi fillestar që prodhohet në përgjigje të një infeksioni. Sidoqoftë, zakonisht nuk transferohet nga nëna te fetusi përmes placentës për shkak të madhësisë së saj. Nga ana tjetër, antitrupat më të vegjël IgG mund të transferohen në mënyrë pasive nga nëna te fetusi përmes placentës. Kohëzgjatja e imunitetit nga antitrupat e nënës IgG është e paqartë. Mjeku specialist për Obstetrikë dhe Gjinekologji Tan Hak Koon, shpjegon se ka prova të antitrupave midis foshnjave të lindura nga nënat me Covid-19.
“Megjithatë, është ende e panjohur nëse prania e këtyre antitrupave në një foshnjë të porsalindur jep një shkallë të mbrojtjes kundër infeksionit Covid-19, aq më pak kohëzgjatjen e mbrojtjes,” tha ai.
Ndërkohë, mjeku shpjegon se po zhvillohen studime më të mëdha për të kuptuar sesi Covid-19 mund të ndikojë potencialisht në mirëqenien dhe shëndetin e grave shtatzëna dhe foshnjave të tyre.
Ajo çfarë dimë deri më tani është se shumë foshnja kanë lindur me antitrupa.
Lidhja e Covid-19 me antitrupat dhe ndikimi në imunitet
Në fillim të pandemisë së koronavirusit, studiuesit nuk e kuptonin se si mund të zhvillohet imuniteti natyror ndaj infeksionit SARS-CoV-2. Por kjo ndryshoi shpejt. Brenda disa muajsh studimet kanë treguar se njerëzit e infektuar mund të krijojnë antitrupa që neutralizojnë virusin1, si dhe qeliza T që mund të njohin dhe vrasin qelizat e infektuara me SARS-CoV-22. Hulumtimet fundit kanë zbuluar se edhe njerëzit që nuk janë infektuar me virusin mund të kenë antitrupa dhe qeliza T2 që njohin SARS-CoV-2. Sipas ekspertëve kujtesa e sistemit imunitar për koronavirusin e ri zgjat për të paktën gjashtë muaj në shumicën e njerëzve.
Llogaritë sporadike të ri-infektimit të koronavirusit dhe raportet e niveleve të antitrupave në rënie të shpejtë kanë ngritur shqetësime se imuniteti ndaj SARS-CoV-2 mund të zvogëlohet brenda disa javësh nga shërimi nga infeksioni.
Shane Crotty në Institutin La Jolla për Imunologji në Kaliforni dhe kolegët e tij analizuan shënuesit e përgjigjes imune në mostrat e gjakut nga 185 njerëz që kishin një sërë simptomash COVID-19; 41 pjesëmarrës në studim u ndoqën për të paktën 6 muaj.
Ekipi zbuloi se përgjigjet imune të pjesëmarrësve ndryshonin shumë. Por disa përbërës të kujtesës imune të SARS-CoV-2 qëndrojnë për të paktën 6 muaj. Midis mbrojtësve të vazhdueshëm të imunitetit ishin qelizat B të kujtesës, të cilat fillojnë prodhimin e antitrupave kur një patogjen ndeshet përsëri. Imuniteti ka implikime edhe për terapitë.
Administrata Amerikane e Ushqimit dhe Barnave (FDA) më herët ka dhënë edhe autorizimin urgjent për një trajtimin me plazmën rikuperuese. Ky trajtim përfshin dhënien e plazmës së gjakut nga pacientë me Covid-19 që shërohen, pacientëve aktual.
Arsyetimi është që plazma përmban shumë antitrupa që njohin SARS-CoV-2. Sidoqoftë, konsensusi midis klinicistëve dhe studiuesve është se vendimi i FDA ishte i parakohshëm, sepse jo të gjithë këta antitrupa mund të jenë mbrojtës.
Nuk ka ende prova përfundimtare që ky trajtim është efektiv, megjithëse provat janë duke vazhduar për të eksploruar nëse plazma rikuperuese nga njerëzit me nivele të larta të antitrupave neutralizues kundër virusit mund të jetë e dobishme në trajtimin e rasteve të rënda me COVID-19.
Burimet: The Strait Times, Global News, Nature-“Si”