![Zjarri në sanatoriumin e Korçës/ Pacienti hoqi maskën e oksigjenit dhe ndezi cigaren](https://www.vizionplus.tv/wp-content/uploads/2022/03/yuu-1-726x400.png)
Zbardhen detaje nga zjarri në sanatoriumin e Korçës, ku mbeti i lënduar një pacient.
Mësohet se 62-vjeçari ka qenë duke u trajtuar me oksigjen dhe për një moment ka hequr maskën e oksigjenit, më pas ka ndezur një cigare, duke shkelur çdo rregull mjekesor.
Kjo ka shkaktuar flakë të menjëhershme, të cilat i kanë dëmtuar fytyrën, ndërsa janë djegur edhe pajisjet e oksigjenit.
62-vjeçari është shtruar në pavijonin e djegieve duke u trajtuar.
Advertisement
Kjo është hera e dytë që në sanatoriumin e Korçës bie zjarr në dhomat e pacientëve. Hera e parë ishte një vit më parë, ku në një nga dhomat ra zjarr, pasi pacientët përdornin pajisje elektroshtëpiake.