Dy avionë kanë ardhur nga Greqia për të ndihmuar për shuarjen e flakëve në Finiq dhe Dropull.
Lajmin e ka bërë të ditur ministri i Mbrojtjes Niko Peleshi, i cili në një postim në rrjetin social shkruan se të gatshëm për të ndihmuar në këtë situatë punonjësit e emergjencave civile ishin edhe mjetet ajrore italiane dhe kroate.
“Dy avionë të tipit #Canadair sapo nisën ndërhyrjen nga ajri për fikjen e flakëve në Dropull dhe Finiq.
Avionët grekë, vijnë si mbështetje për Shqipërinë përmes Mekanizmit Evropian të Mbrojtjes Civile dhe i bashkohen përpjekjeve të Forcave tona të Armatosura, zjarrëfikësve, punonjësve të emergjencave civile dhe strukturave vendore që prej 2 ditësh po luftojnë me flakët atje.
Mirënjohje për gatishmërinë e treguar për të sjellë mjete ajrore edhe qeverisë italiane dhe asaj kroate”, shkruan Peleshi./vizionplus.tv