Zjarr në Maliq/ Shkrumbohet magazina, shpëtojnë banesat pranë saj

Një zjarr i madh ka përfshirë një magazinë në fshatin Burimas të Bashkisë së Maliqit.

Sipas shërbimit zjarrfikës të kësaj bashkie, zjarri ka përfshirë të gjithë sipërfaqen e magazinës duke e djegur plotësisht.

Magazina ishte e mbushur me materiale bujqësore përfshi dhe ambalazhe kartonash e arkash, çka ka bërë që flakët të përhapen më shpejtësi në të gjithë ambjentin e brendshëm.

Vetëm ndërhyrja në kohën e duhur e skudrës se zjarrfikësve ka bërë të mundur izolimin e flakëve duke shpëtuar kështu nga zjarri banesat që ndodheshin fare pranë magazines.

Dyshohet se shkak I zjarrit mund të jetë bërë një shkëndijë elektrike.