Zjarr në Ishullin e Sazanit, reagon Peleshi: 61 efektivë në vendngjarje

Ka rënë zjarr në Ishullin e Sazanit. Ministri i Mbrojtjes, Niko Peleshi njofton se që prej mesditës, 61 efektivë po punojnë për të neutralizuar flakët.

Sipas tij, përpjekjet vijojnë në kushte të vështira ku terreni dhe bimësia po vështirësojnë fikjen e zjarrit.

Postimi i Peleshit:

Që prej mesditës, 61 efektivë, kryesisht të Forcës Detare dhe forcat e gatshme të Forcës Tokësore, së bashku me zjarrfikës të Vlorës, po punojnë për shuarjen e zjarrit të rënë në Ishullin e Sazanit.

Përpjekjet maskimale vijojnë në kushte tepër të vështira ku terreni dhe bimësia vështirësojnë fikjen e zjarrit.