Një vatër zjarri është hapur në fshatin Drenovë, Korçë. Flakët kanë përfshirë disa stalla të fermereve.
Burime pranë shërbimit zjarrfikës thanë se fillimisht zjarri është shkaktuar në një pjesë kullote në dalje të pallateve dhe banesave private të këtij fshati, zjarr që ka përparuar në stallat e blegtorisë dhe jo vetëm, duke rrezikuar dhe banesat aty pranë
Ka qënë reagimi i menjëhershëm i shërbimit zjarrfikës Korçë që ka bërë të mundur izolimin e flakëve të zjarrit ndërkohë që disa prej stalleve kanë pësuar dëme të mëdha nga përfshirja e flakëve të zjarrit.
Pjesa më e madhe e ambienteve që u përfshinë nga flakët ishin ambiente që banorët mbanin veglat e tyre bujqësore si dhe lëndët drusore për ngrohje.
Në vendngjarje janë forcat e policisë dhe grupi i ekspertëve që po punojnë për zbardhjen e ngjarjes, që për fat të mirë nuk ka sjellë dëme në njerëz
Zjarri mendohet të ketë nisur në mënyrë aksidentale. /vizionplus.tv
