Gjykata kaloi për gjykim Ludian Zaimin, policin që vrau me armën e shërbimit kolegun e tij, Çaush Saliasi, në ambientet e komisariatit nr.3 në kryeqytet.
25 vjeçari do të gjykohet për vrasje me dashje pa iu pranuar gjykimi i shkurtuar.
Advertisement
Ndonëse mbrojtja pretendoi se i riu kishte probleme mendore, ekspertët mjeko-ligjorë e rrëzuan këtë pretendim.
Madje, një koleg, dëshmitar okular në krim, dyshon se Ludian Zaimi e kishte planifikuar vrasjen e kolegut të tij, pasi makinën e kishte parkuar shumë pranë vendit të punës në mënyrë që të largohej menjëherë nga vendngjarja.
Advertisement
Krimi i rëndë ndodhi në orën 21:20 minuta, moment kur Zaimi shkrehu armën 6 herë drejt 55 vjeçarit, duke e lënë të vdekur në vend.
