Policia e Elbasanit ka vënë në pranga një 23-vjeçar të shpallur në kërkim lidhur me vrasjen e parandaluar disa ditë më parë.
23-vjeçari rezultonte i shpallur në kërkim për tentativë për vrasje.
Ai u pikas në qendër të qytetit të Elbasanit, me një armë tip ‘Kallashnikov’, ndërsa kishte planifikuar të vriste një person.
Gjithashtu u arrestua edhe një 24-vjeçar, i cili nuk ka kallëzuar krimin për armën dhe drogën e gjetur në banesën e autorit.
“Nga veprimet hetimore të deritanishme, dyshohet se 23-vjeçari, më datë 26.05.2023, kërkonte të vriste një 24-vjeçar të dënuar 2 herë më parë, për veprimtari kriminale në fushën e narkotikëve, me të cilin ishte konfliktuar më parë. Shtetasi i ndaluar B. R., në pamundësi për të realizuar planin e tij për vrasjen e 24-vjeçarit, si rezultat i presionit të shtimit të shërbimeve në terren, ka hedhur armën e zjarrit në rrugë dhe është larguar”, njofton policia.
Policia po punon për zbardhjen e plotë të rrethanave të ngjarjes dhe identifikimin e persona të tjerë të përfshirë.
