Paraditen e sotme, Drejtori i Përgjithshëm i Policisë së Shtetit Gledis Nano në Komisionin e Sigurisë, është ndalur edhe tek ngjarja makabre e ndodhur pak ditë më parë në Fier.
Nano tha se po punohet për zbardhjen e plotë të ngjarjes makabre që tronditi opinionin publik. Sipas tij autori i krimit, Klodian Çalamani ishte dënuar më parë vetëm si hajdut banesash.
Advertisement
“Me 16 nëntor u arrestua në flagrancë në Gracalli agresori që kishte groposur një të mitur me inicialet M.V.. Në Policinë e Shtetit ka pasur të dhëna se ai ka qenë hajdut banesash por për personin në fjalë, nuk ka pasur kallëzime në fushën e abuzimit seksual dhe krimeve seksuale”, është shprehur Nano
