Policia e Korçës zbardhi dy grabitje të ndodhura gjatë këtij muaji në farmacinë e Spitalit Rajonal të Korçës.
Infermieri 43-vjeçar Nikolin Ciko, banues në Korçë ra në pranga sepse akuzohet se ka vjedhur një sasi të konsiderueshme medikamentesh e pajisjesh mjekësore me vlerë mbi 1.000.000 lekë.
Advertisement
“Nga veprimet hetimore të kryera rezultoi se, ky shtetas kishte vjedhur në farmacinë e Spitalit, një sasi medikamentesh dhe pajisjesh mjekësore, të cilat shërbenin për trajtimin e pacientëve me COVID-19 dhe me sëmundje tumorale, ku në cilësinë e provës materiale iu gjet e sekuestrua sasia e medikamenteve”, thuhet në njoftimin e policisë.
