Policia ka ndërhyre në një parcelle të mbjellë me kanabis në fshatin Gimaj në Shkodër duke arrestuar në flagrance 6 persona, ndërsa dy të tjerë janë shpallur në kërkim.
Në operacion u sekuestrua edhe një armë zjarri automatic që shërbente për të ruajtur parcelën e drogës.
Mes të arrestuarve janë edhe dy vajza të reja Manjola Kroni dhe Eugena Gjela ndërsa të orangosurit e tjerë janë Gjokë Foleta, Pal Alia, Besnik Rripa, dhe shtetasi me iniciale D. Q.
Njoftimi i policisë:
Vijojnë goditjet ndaj veprimtarisë kriminale në fushën e narkotikëve dhe armëmbajtjes pa leje.
Finalizohet me sukses operacioni policor i koduar “Gimaj”.
Arrestohen në flagrancë 6 shtetas, shpallen në kërkim 2 shtetas të tjerë.
Sekuestrohen lëndë narkotike cannabis sativa, armë zjarri dhe municion luftarak.
Nga strukturat e Seksionit Kundër Trafiqeve të Paligjshme dhe Narkotikëve të DVP Shkodër, në bashkëpunim me Komisariatin e Policisë Shkodër, Forcat e Posaçme “Shqiponja” dhe Njësinë Operacionale të DVP Shkodër, në vijim të punës për goditjen e rasteve të kultivimit të bimëve narkotike, bazuar në informacionet e marra në rrugë operative është organizuar dhe finalizuar operacioni “Gimaj”.
Si rezultat i këtij operacioni u arrestuan në flagrancë shtetasit: Gj. F., 56 vjeç, P. A., 23 vjeç, B. Rr., 22 vjeç, D. Q., 17 vjeç, M. K., 22 vjeçe dhe E. Gj., 24 vjeçe.
Gjithashtu janë shpallur në kërkim shtetasit E. Gj. dhe Rr. Rr.
Këta shtetas, në bashkëpunim me njëri-tjetrin, kishin kultivuar bimë narkotike në një zonë malore të pyllëzuar të fshati Gimaj, Shkodër.
Gjatë kontrollit është gjetur një sasi lënde narkotike cannabis sativa dhe një armë zjarri automatike me 2 krehër me fishekë.
Në cilësinë e provës materiale janë sekuestruar lënda narkotike, arma e zjarrit, krehrat me fishekë dhe 7 aparate celular.
Materialet iu referuan Prokurorisë së Rrethit Gjyqësor Shkodër, për veprat penale ”Prodhimi dhe shitja e narkotikëve”, ”Kultivimi i bimëve narkotike”, “Mbajtja pa leje e armëve dhe municionit”dhe ”Pastrim i produkteve të veprës penale”.
