Vdekja e zhytëses britanike në Sarandë ka bërë jehonë në mediat ndërkombëtare.
Në një artikull kushtuar ngjarjes Daily Mail shkruan se 29-vjeçarja ndërroi jetë në duart e të dashurit të saj.
Rebecca Gannon, 29 vjeç, ishte me të dashurin e saj kur hasi vështirësi gjatë zhytjes të hënën pasdite me një grup prej shtatë zhytës të tjerë.
Instruktori Saimir Kushova, 45 vjeç, u hodh në ujë për ta shpëtuar por përpjekjet e tij nuk i erdhën në ndihmë të resë.
Kushova u arrestua më pas nga policia për punësim të 29 vjeçares në kushte të papërshtatshme.
I dashuri i viktimës ishte i pranishëm gjatë gjithë momentit të ngjarjes por nuk mundi të bënte asgjë për ta shpëtuar.
Gerta Brozi e cila ishte në varkë dhe është bashkëpronare e qendrës së zhytjes Spiranca tha për MailOnline: “Ne vërtet nuk e dimë se çfarë ka ndodhur dhe presim që policia të përfundojë hetimin. Nuk e kuptuam çfarë ndodhi”