“Uji vjen vetëm 2 orë dhe i ndotur”/ Banorët e Nartës në protestë

Kanë vetëm 2 orë ujë në ditë dhe uji në rubinetat e tyre,është I ndotur.

Kështu shprehen banorë të fshatit Nartë këtë të premte për kamerën e Vizion Plus.

Banorët fajësojnë ndërmarrjen e ujësjellësit  për mënyrën si e kanë ndërtuar  sistemin e shpërndarjes teksa një ose dy banorë mund të kenë ujë pa ndërprerje e të tjerët vuajnë mungesën e tij.

Ata e quajnë primitiv sistemin e shpërndarjes së ujit,ndërsa thonë se janë pagues të rregullt të faturës së ujit.

Edhe vendosja e matësve është bërë e parregullt sipas tyre.

Në fshatin Nartë numërohen rreth 800 banesa,por emigracioni ka rudhur popullatën teksa banorë sot janë vetëm 400.