Kombëtarja e femrave të basketbollit ka nisur në mënyrën më të keqe kualifikueset për Kampionatin Europian 2023.
Kuqezinjtë u turpëruan në Poloni me rezultatin e thellë 125 – 19 në një ndeshje pa histori.
Që në fillim diferencat u panë dukshëm me vajzat kuqezi që lanë shumë hapësira ndërsa pjesa e parë u mbyll me shifrat 38-9, atje ku u dallua Qose me 5 pikët e saj, apo dy pikët e Lugaj e Verri.
Edhe perioda e dytë nuk kishte ndryshime, Polonia kryesoi me rezultatin 76-13.
Në pjesën e mbetur rezultati u thellua më shumë me polakët që nuk kishin mëshirë dhe ushtronin presion të vazhdueshëm përballë një tifozerie të zjarrtë. Me një Shqipëri të lodhur, Polonia triumfoi me rezultatin final 125-19.
Një ndeshje për t’u harruar sa më shpejt nga kombëtarja shqiptare, e cila në total, realizoi një gjuajtje për tre pikë, 7 për dy pikë dhe vetëm dy gjuajtje të lira.
Shqipëria është në një grup të vështirë, ku dallohet Sllovenia e Turqia, ndërsa duelin e radhës e ka përballë sllovenëve në shtëpi më datën 14 nëntor.
