Truss zyrtarisht kryeministre e Britanisë së Madhe, merr “bekimin” e mbretëreshës

Liz Truss është takuar me Mbretëreshën në pallatin Balmoral si pjesë e procesit formal për marrjen e postit të kryeministres së ardhshme të Mbretërisë së Bashkuar.

Kjo pason takimin e Boris Johnson me mbretëreshën i cili paraqiti dorëheqjen më herët këtë të martë.

Truss fitoi me 57 % ose 81,326 vota në krahasim me Sunak i cili mori 60,399 vota.

Truss trashëgon një ekonomi që potencialisht po shkon drejt një recesioni të gjatë dhe do të duhet që menjëherë të ndërmarrë masa për të zbutur krizën e kostos së jetesës.

Liz Truss është kryeministrja e katërt e konservatorëve që nga zgjedhjet e vitit 2015.