“Tempulli” ka prangosur një 19-vjeçar të shpallur në kërkim për shit-blerje lëndësh narkotike. Numri i të arrestuarve, në kuadër të operacionit antidrogë në Tiranë, ka arritur në 91 persona.
Gjykata e Tiranës i ka caktuar 19-vjeçarit masën e sigurisë “Arrest në burg”, për veprën penale ”Prodhimi dhe shitja e narkotikëve”.
Më parë, gjatë zhvillimit të këtij operacioni, janë sekuestruar 10 kg lëndë e dyshuar narkotike cannabis sativa, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 000 euro, 6000 paund, 4 500 000 lekë dhe 12 targa automjetesh.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.