“Të mblidhet Konferenca e Kryetarëve për gjenocidin serb”/ Shehu: Ka shkelje të rregullores

Pasditen e kësaj të hëne është duke u zhvilluar seanca plenare në Kuvend.

I pari që ka marrë fjalën në këtë seancë është deputeti i PD, Tritan Shehu i cili është shprehur kritik, pasi sipas tij ka një shkelje të rëndë të rregullores. Shehu ka kërkuar që të mblidhet Konferenca e Kryetarëve për rezolutën e gjenocidit serb.

“Ka një problem të rëndë procedural që lidhet me mosrespektim e rregullores”, tha Shehu, duke shtuar: “Ne kemi një rregullore të shenjtë. Prej shumë ditësh një grup deputetësh kemi depozituar kërkesën për mocion debat për të dënuar gjenocidin serb. Në bazë të rregullores thuhet që brenda tre ditësh duhet të mblidhet konferenca e kryetarëve.”